हामी के बिश्वास गर्छौं

पवित्र त्रिएक

हामी एक त्रिएक परमेश्वरमा विश्वास गर्छौं, जो स्व-अस्तित्वमा हुनुहुन्छ र अनन्त हुनुहुन्छ, पवित्र र प्रेमिलो दुवै स्वाभावमा, असीम शक्ति, बुद्धि र भलाइको हुनुहुन्छ; सबै चीजहरूको सृष्टिकर्ता र पालनकर्ता र सबैमाथि शासक हुनुहुन्छ। परमेश्वर तीन व्यक्तित्वहरूमा अवस्थित हुनुहुन्छ – पिता, पुत्र र पवित्र आत्मा – प्रत्येक अस्तित्वमा अनन्त, शक्ति र महिमामा समान, र स्वाभावमा एक समान।

परमेश्वर पिता

हामी परमेश्वर पिता सर्वशक्तिमान, आकाश र पृथ्वीका सृष्टिकर्तामा विश्वास गर्छौं—जसबाट, जसको माध्यमबाट, र जसमा सबै चीजहरू छन्।

येशू ख्रीष्टको व्यक्तित्व र काम

हामी विश्वास गर्छौं कि प्रभु येशू ख्रीष्ट, परमेश्वरको अनन्त र एक मात्र पुत्र, कहिल्यै परमेश्वर नबनि मानिस बन्नुभयो; उहाँ पवित्र आत्माद्वारा गर्भधारण हुनुभयो, कन्य मरियमबाट जन्मनुभयो, र पापरहित जीवन बिताउनुभयो। पापको लागि र सबै मानवजातिलाई परमेश्वरसँग मिलाप गराउनको लागि उहाँ क्रूसमा मर्नुभयो। तेस्रो दिनमा उहाँ चिहानबाट शारीरिक रूपमा बौरी उठ्नुभयो। त्यसपछि उहाँ स्वर्गमा जानुभयो, जहाँ उहाँ हाम्रो मध्यस्थकर्ताको रूपमा परमेश्वरको दाहिने हातको सिंहासनमा विराजमान हुनुहुन्छ।

पवित्र आत्माको व्यक्तित्व र काम

हामी विश्वास गर्छौं पवित्र आत्मा, पिता र पुत्रबाट अघि बर्दै, पिता र पुत्रसँग एकै तत्व, गौरव, र महिमाको हुनुहुन्छ, साँच्चै र अनन्त रूपमा परमेश्वर हुनुहुन्छ। त्रिएकको तेस्रो व्यक्तित्वको रूपमा, उहाँले निरन्तर येशू ख्रीष्टलाई महिमा दिनुहुन्छ, पाप, धार्मिकता र आउने न्यायको दोषी ठहराउनुहुन्छ, पश्चात्ताप गर्ने र मुक्तिको लागि ख्रीष्टमा विश्वास गर्ने सबैलाई पुनर्जीवित गर्नुहुन्छ, विश्वासीहरूलाई पवित्र पार्नुहुन्छ र वास गर्नुहुन्छ, र सबै सत्यमा मार्गदर्शन गर्नुहुन्छ। विश्वासीलाई ईश्वरीय जीवन र सेवाको लागि निश्चयता दिदै, संरक्षण गर्दै, मार्गदर्शन गर्दै र सशक्त बनाउदै, उहाँ सधैं उपस्थित हुनुहुन्छ।

पवित्र धर्मशास्त्रहरू

हामी विश्वास गर्छौं कि पुरानो र नयाँ नियमका ६६ वटा पुस्तकहरू पवित्र धर्मशास्त्रहरू हुन् र पवित्र आत्माबाट प्रेरित, परमेश्वरको लिखित वचन हुन्। त्यसकारण तिनीहरू मूल लेखहरूमा त्रुटिहीन छन् र कुनै पनि अत्यावश्यक सिद्धान्तको भ्रष्टता बिना वर्तमानमा प्रसारित भएका छन्। तिनीहरूमा हाम्रो मुक्तिको लागि आवश्यक पर्ने सबै कुराहरू छन् र विश्वास र अभ्यासको लागि सर्वोच्च अधिकार हुन्।

पाप: मौलिक पाप र पापका कार्यहरू

हामी विश्वास गर्छौं कि पाप र मृत्यु यस संसारमा आदमको अनाज्ञाकारिताबाट आएको हो। हामी विश्वास गर्छौं कि पाप दुई प्रकारका हुन्छन्: मौलिक र वास्तविक।

मानव इच्छा

हामी विश्वास गर्छौं कि परमेश्वरले मानवतालाई आफ्नो स्वरूपमा सृष्टि गर्नुभयो, सही र गलत बीच छनौट गर्ने क्षमता सहित। आदमको पतन र मानव प्रकृतिको भ्रष्टताको परिणामस्वरूप, परमेश्वरको अनुग्रह बिना, मानवजाति सही छनौट गर्न असमर्थ छ।

मुक्ति

हामी विश्वास गर्छौं कि मुक्ति परमेश्वरको उपहार हो जुन मानिसलाई अनुग्रहद्वारा ल्याइएको हो र हाम्रो आफ्नै कामहरूद्वारा होइन, विश्वासद्वारा सित्तैमा प्राप्त हुन्छ। आफ्ना पापहरूको पश्चात्ताप गर्ने र येशू ख्रीष्टलाई प्रभु र मुक्तिदाताको रूपमा विश्वास गर्ने सबैलाई परमेश्वरले अनुग्रहपूर्वक धर्मी ठहराउनुहुन्छ र पुनर्जीवित गर्नुहुन्छ। उहाँले तिनीहरूलाई पवित्र आत्माद्वारा आफ्नो रूपमा छाप लगाउनुहुन्छ। परमेश्वरका सन्तानको रूपमा, तिनीहरू उहाँसँगको संगतिमा पुनर्स्थापित हुन्छन्, पापको दण्ड र यसको जानाजानी अभ्यासबाट छुटकारा पाउँछन्, र सुरुमा पवित्र पारिन्छन् र तिनीहरूमा बास गर्ने पवित्र आत्माद्वारा मुक्तिको निश्चयता दिइन्छ।

पवित्रीकरण

हामी विश्वास गर्छौं कि पवित्रीकरण पवित्र आत्माको त्यो काम हो जसद्वारा परमेश्वरको सन्तान येशू ख्रीष्टको स्वरूपमा झन् झन् अनुरूप हुन्छ। यसबाहेक, हामी विश्वास गर्छौं कि यही आत्माद्वारा विश्वासीको हृदय विश्वासद्वारा शुद्ध हुन सक्छ र अझ प्रभावकारी सेवाको लागि सशक्त हुन सक्छ।

असल कामहरु

हामी विश्वास गर्छौं कि असल कामहरू विश्वासको आवश्यक फल हुन् र मुक्तिलाई पछ्याउँछन् तर यसले हामीलाई हाम्रा पापहरूबाट बचाउन वा ईश्वरीय न्यायलाई रोक्न सक्दैन।

मण्डली

हामी विश्वास गर्छौं कि विश्वव्यापी मण्डली येशू ख्रीष्टमा विश्वास गर्नेहरूको सम्पूर्ण शरीर मिलेर बनेको छ, जो यसको संस्थापक र एकमात्र शिर हुनुहुन्छ, जसमा यो आत्माद्वारा परमेश्वरको पवित्र वासस्थानमा निर्माण भइरहेको छ। मण्डलीको उद्देश्य भनेको परमेश्वरको वचनको घोषणा, संस्कारहरूको प्रशासन, आत्माका वरदानहरूको अभ्यास र ख्रीष्टले आज्ञा गर्नुभएको सबै आज्ञा पालन गरेर सबै राष्ट्रहरूलाई ख्रीष्ट जस्तै चेला बनाउनु हो।

संस्कारहरू:
बप्तिस्मा र प्रभुभोज

हामी विश्वास गर्छौं कि पानीको बप्तिस्मा र प्रभु भोज ख्रीष्टद्वारा आज्ञा दिएको मण्डलीको संस्कारहरु हो र विश्वासद्वारा प्राप्त हुँदा अनुग्रहको माध्यमको रूपमा अभिषेक गरिन्छ। तिनीहरू हाम्रो विश्वासको घोषणा र हामीप्रति परमेश्वरको अनुग्रही सेवकाईका संकेतहरू हुन्। तिनीहरूद्वारा, उहाँले हामी भित्र काम गर्नुहुन्छ, हामीलाई उहाँमा ताजा, मजबुत र हाम्रो विश्वासलाई पुष्टि गर्दै हुनुहुन्छ।

ख्रीष्टको दोस्रो आगमन

हामी भनि विश्वास गर्छौं कि येशू ख्रीष्टको आसन्न र शारीरिक पुनरागमन विश्वासीहरूको त्यो धन्य आशा हो, जसले पवित्र जीवन बिताउन एक शक्तिशाली उत्प्रेरणा प्रदान गर्दछ र विश्व सुसमाचार प्रचारको लागि जोशलाई प्रेरित गर्दछ। उहाँको पुनरागमनमा, येशू ख्रीष्टले दुष्टमाथि असलको अन्तिम विजयको बारेमा सबै धर्मशास्त्र पूरा गर्नुहुनेछ, उहाँको राज्य पूरा गर्नुहुनेछ, र धार्मिकतामा संसारको न्याय गर्नुहुनेछ।

मृतहरूको पुनरुत्थान

हामी सबै मानव जातिको पुनरुत्थानमा विश्वास गर्छौं जुन समयमा शरीर र आत्मा पुनर्मिलन हुनेछ। धर्मीहरूको पुनरुत्थान अनन्त जीवनको लागि हो; दुष्टहरूको पुनरुत्थान अनन्त दण्डको लागि हो। येशूको शारीरिक पुनरुत्थान सर्वोच्च महत्त्वको आश्चर्यकर्म हो र हाम्रो विश्वासको लागि जग हो।

मानव जातिको न्याय

हामी विश्वास गर्छौं कि परमेश्वर सबैको न्यायकर्ता हुनुहुन्छ र उहाँको न्यायका कार्यहरू उहाँको सर्वज्ञान र अनन्त न्यायमा आधारित छन्। उहाँको न्यायको प्रशासन उहाँको महान गौरव र शक्तिको सिंहासन अगाडि समाप्त हुनेछ, जहाँ अभिलेखहरूको जाँच गरिनेछ, र अन्तिम पुरस्कार र दण्डहरू प्रशासित गरिनेछ।

अनन्तको गन्तव्य

मृत्यु पछि सचेत, व्यक्तिगत अस्तित्व हुन्छ भनेर हामी विश्वास गर्छौं। प्रत्येक व्यक्तिको अन्तिम गन्तव्य परमेश्वरको अनुग्रहप्रति उसको जवाफद्वारा निर्धारण गरिन्छ, परमेश्वरको कुनै अनियमित आदेशद्वारा होइन। नयाँ स्वर्ग र नयाँ पृथ्वी तिनीहरूको अनन्त महिमा र ख्रीष्टको उपस्थितिको आशिष सहितको परमेश्वरले येशू ख्रीष्ट मार्फत प्रदान गर्ने मुक्ति छनौट गर्नेहरूको अन्तिम निवास हो। अनन्त दुःख र परमेश्वरबाट अलग्गिएको आगोको ताल चाहिँ महान मुक्तिलाई बेवास्ता गर्नेहरूको अन्तिम निवास हो।